मले एक सांग राज्या
कवा येइन रे रानी
लया जाइल अंगाची
सारी माया आनीबानी
मले लय काई नको
फ़क्त देजो एक खाट
ताट जेवायाले आनी
एक पाण्याचा रे माठ
नवं काई नाई फाटकं
लुगडच नेशिन
तोंड धुवायाले नाली दारी
नको तुझं बेशिन
आता काम होत नाइ
हड्ड्या सय्रा रे चुरल्या
कपयावर कुकवाच्या
रेषा तेवढ्या उरल्या
बंगला नको मले
झोपडिही चालीन
नेकलेस नाई लागत
एक कावी पोथ घालीन
फ़क्त देजो एक हाक
"माय " ह्मनुन रे मले
आसवांन होतात माये
डोये रोज ओले
कवि :- निवृत्ती पां . हागे
दैनिक देशोन्नातीत प्रकाशित
कोणत्याही टिप्पण्या नाहीत:
टिप्पणी पोस्ट करा