दलाली

इन्साफ कुणा मागू मी

सारेच जुलाली येथे 
अन कोर्ट कचेर्यांमध्ये
नेत्यांची दलाली येथे 

अजुनी सूर्याला माझे 
अर्घ्य अर्पण झाले 
उषेच्या गालावरती 
आली पण लाली येथे

पाठीवर माझ्या फिरले 
जे हात रेशमाचे 
त्या हातांच्या रेषांचा 
कोणी ना वाली येथे 

पोटात कुणाच्या दुखते 
मी श्वास घेतला कि 
चरती भिंतीवरती 
लाखो पाली येथे 

ज्या मध्ये माझे घरही 
हलकेच वाहुनी गेले 
तो पाऊस पडतो अजुनी 
साली दरसाली येथे 

कवी :- निवृत्ती पां . हागे 
दैनिक देशोन्नातीत प्रकाशित