एक मानवा रीत शिक
जप मानवतेला फार
परोपकारी जीवन कष्टव
हेच जीवाचे सार
काम असे करुनी जा येथून
राहील कीर्ती खरी
काढुनी दाखव पाषाणातूनहि
पाण्याची धार
जात,पंथ अन धर्मभेद हे
सारे विसरून परी
खुले करी जा अखिलांच्या
मुक्तीचे एकच दार
राग लोभ हेवा कोणाचा
करू नको शर्थीने
खून खराब्या वाचून पुरली
पदोपदीची हार
हिंसाचारे फुकट घालशील
जन्म हा एकदाची
देशभक्तीसाठी रे असला
लढा देई झुंझार
व्यसन पोखरे आंतूनबाहीर
शेवट मृत्यू उरे
दूर राहा यांपासून आणि
भोग सुखी संसार
कवी :- निवृत्ती पां . हागे
दैनिक देशोन्नातीत प्रकाशित
